kabhi kabhi mere dil main khayal aata hai
k zindagi teri zulfoon ki nerm chaon main
guzerne pati to shadab ho bhi sakti thi
ye teergi jo meri zest ka muqader hai
teri nazer ki shuaon main kho bhi saakti thi
ajab na tha k main begana alam ho ker
tere jamal ki ranayon main kho rehta
tera gudaz badan , teri neem baz aankhen
inhi hasen fasano main maho ho rehta
pukarteen mujhe jub talkhiyan zamane ki
tere laboon se halawat k ghont pi leta
hayat cheekhti phirti bina ser aur main
ghaneri zulfoon k saye main chup k ji leta
muger ye ho na saka or ab ye alam hai
k to nahi tera ghum, teri justoju bhi nahi
guzer rahi hai kuch is terha zindagi jaise
ise kisi k sahare ki arzo bhi nahi
zamane bher k dokhoon ko laga chuka hoon gale
guzer raha hoon kuch unjani rahguzaron se
maheeb saye meri simt berhte ate hain
hayat -o- mot ke perhol kharzaroon se
na koi jada munzil na rashni ka chiragh
bhatak rahi hai khalaon main zindagi meri
inhi khalaon main reh jaon ga kabhi kho ker
main janta hoon meri humnafas muger younhi
kabhi kabhi mere dil main khayal ata hai
amna
0 comments:
Post a Comment