Oct 31, 2008

Aye Dil Khuda Ki Zaat Pe, Tu Aitebaar Rakh


Aye Dil Khuda Ki Zaat Pe, Tu Aitebaar Rakh
Paiwasta Rah Shajar Se Umeed E Bahaar Rakh

Mai Dagmaga Ke Doob Na Jaon Unhi Mai Phir
Ankhon Ke Sagharon Mai Na Itna Khumaar Rakh

Lagta Hai Dar, Ke Tujh Se Zamaana Na Cheenle
Mujhko Chupa Ke Khaana E Dil Mai Tu Yaar Rakh

Lamhon Ko Qaid Karle Aur Baton Ko Kar Raqam
Jo Ho Sake To Khushion Ki Har Yaadgaar Rakh

Mai Kar Chuki Hon Tujhse To Iqraar Pyaar Ka
Izhaar Kar Ke Khud Bhi Mera Aitebaaar Rakh

Raahein Bahut Kathin Hain ‘Shumaila’ Ye Pyaar Ki
Qabu Mai Dil Ko Rakh ,Magar Itna Na Yaar Rakh !!!

Related Posts :



0 comments:

Advertisement

 

Copyright 2008 All Rights Reserved XFN Friendly |