Dil meiN abb dard-e-mohabbat ke sivaa kuchh bhii nahiiN,

Dil meiN abb dard-e-mohabbat ke sivaa kuchh bhii nahiiN,

zindagii merii ibaadat ke sivaa kuchh bhii nahiiN..

MeiN terii barah-gah-e-naaz meiN kyaa pesh karooN,

merii jholii meiN mohabbat ke sivaa kuchh bhii nahiiN..

Aye Khudaa mujhse naa le mere gunaahoN kaa hisaab,

mere paas ashq-e-nadaamat ke sivaa kuchh bhii nahiiN..

Woh to mitt kar mujh ko mil hii gayii raahat varnaa,

zindagii ranj-o-musiibat ke sivaa kuchh bhii nahiiN..!

Related Posts :